Tu chahe vihwalta samjhe,

Ya chahe chanchalta samjhe

Yauvan jyon hi bibas kiya,

Main tujhse lagan laga baithi.

2-Hansi khel hoti na lagan,

Lagan lage to lage agan

Lage na mann jab lage lagan

Tan mann mein hoti sihran

Tu chahe byakulta samjhe.

ya meri aakulta samjhe.

Jyon hi main ho gayee jawan

Main tujhse akhiyan mila baithi

3-Lagan abhi aayee na lagan

Lagan mein chadhegi meri lagan

Lagan se pehle lagi lagan

Zindgi lagan mein hui magan

Tu chahe aaturta samjhe

ya meri tu bibasta samjhe

Jyon hi tujhse lagan lagi

Main dil mein tujhe basa baithi

4-Tujhse aisi lagi lagan

dil mein hoti meethi chubhan

phir bhi chhute na ye lagan

Nayan mein basi teri chitwan

Tu chahe durbalta samjhe

ya meri nirbalta samjhe

Kuchh kuchh dil mein jyon hi hua

Main dil apna tujhe baithi

5-Lagan lagi to lage nayan

Lagan mein phir nahin lage nayan

Kitna bolee lag na lagan

Eik suni na lagi lagan

Tu chahe tatparta samjhe

ya meri tu bikalta samjhe

Jyon hi jawani ne kadam rakha.

Main tujhse preeti laga baithi.