Tasvir teri mujh par,kya kya na kar sakegi,

par teri tarah mujhse,laja to na sakegi..

Rahegi saath hardum,tasvir teri lekin

Teri tarah mujhko,bula to na sakegi

Tasvir mein teri zulfen,uljhi hui si hain,

Kya teri tarah unko.jhatak woh sakegi

Thahri huin hain aankhen,tasvir mein teri

Kya teri tarah unko,matka woh sakegi.

Tasvir mein tera aanchal,kandhe pe tika hai.

par teri tarah usko,woh lahra to na sakegi

Bolte nahin kuchh kangna,tasvir mein suno

Kya teri tarah unko,khanka woh sakegi.