Tu chahe meri baat na mane,

ya tu meri baat na jaane

par tujhse jab baaten karti

Main baaton mein aa jaati hoon.

2-Baat baat mein baat hai banti

Baat baat mein baat bigarti,

Baat baat mein baat nikalti

Aur baat mein baat hai lagti

Tu chahe meri baat sune na

Ya tu meri baat gune na

par jab main tujhse batiyati

Baaton mein main fansh jaati hoon.

3-Meethi meethi baaten hotin

Baaten aankhon se bhi hotin

priya priya baaten bhi priya hotin

dil ki baaten bhi hain hotin

Tu chahe meri baat kare na

Ya tu apni baat kahe na

par jab main teri baaten sunti

Baaton se main jal jaati hoon.

4-Baat mayke ki jab karti

Baat tujhe aachhi nahin lagti

Baat hai mere dil mein chubhti

Baat raat mein phir se banti

Tu chahe meri baat pakad le

Ya tu meri baat uda de

Par jab tujhse baat na hoti

Baaton ko main taras jaati hoon.

5-Baaton se hi pyar hai hota

Baaton se izhar bhi hota

Baaton mein marham bhi hota

Baaton mein hi dard bhi hota

Tu chahe meri baat kaat de

Ya tu meri baat palat de

Par jab tujhse baatein karti

Teri baaton mein mar jaati hoon